自上個月我哋出post之後，收到好多善心客人嘅捐贈，尤其12月2號傻媽傻媽流浪貓狗之家出post表示缺糧，大家都好關心流浪毛孩嘅情況❤。我哋都希望佢哋盡快得到溫飽，所以我哋唔敢怠慢，盡力加大生產力💪🏻，希望可以整更多鮮食出嚟捐贈出去。不過由於資源及人手有限，我哋生產鮮食嘅數量趕唔上需要捐贈出去嘅數量。

截至12月7號，捐贈者共購買59包2KG嘅鮮食，而Furry Green亦捐贈咗59包2KG嘅鮮食，總共有118包 (共236kg)。而今日 (12月8號)，我哋已經將其中60包 (共120kg) 嘅鮮食送遞到傻媽📦🚚，希望先為浪浪們解決燃眉之急。不過仍然尚欠58包 (共116kg) 嘅鮮食，我哋會繼續生產同安排送遞。

再一次感謝大家支持捐贈傻媽計劃🙏。我哋會繼續努力，為流浪毛孩提供更好嘅生活，同時亦希望大家可以持續關注同支持我哋嘅事業，一齊為建立更可持續嘅香港出一分力。