「我隻狗狗成日無啦啦嘔，有時嘔返晒啲乾糧，有時嘔啲黃色水出嚟，佢係咪有咩絕症呀？」

毛孩以食為天，我哋好多時都收到呢啲問題，唔少狗主面對狗狗嘅嘔吐問題都手足無措，擔心狗狗係咪對某啲食物有不良反應。

見到狗狗咁辛苦真係咪話唔心痛。喺諗方法解決之前，我哋先要揾出導致嘔吐嘅原因：

1️⃣飲食問題

• 食太飽、食太快或空肚太耐

• 轉糧或食人類食物（油份、調味料、添加物等超出狗狗腸胃負荷

• 誤食異物

基於生存本能，狗狗唔係好識判斷自己是否已經食飽，有得食就食咗先，所以好多時會攝取過量食物。如果遇到同伴搶食，狗狗會因為緊張，導致進食速度過快。食道負擔突然加大，食物就可能會喺尚未消化嘅情況下倒流吐出，呢類型嘅嘔吐物通常睇得見食物嘅形狀。狗狗若空腹太耐或胃酸分泌過多，則可能因為嘔到無食物可以嘔，而嘔出帶有白色泡泡的胃液或黃綠色的膽汁，好似人嘅「黃膽水」咁。😭

2) 轉糧或吃人的食物在轉糧的過程中，狗狗的腸胃需要一段時間來適應，若突然完全更換飼料，可能導致腸胃不適而嘔吐，所以無論係單單轉食糧牌子，定係由乾糧轉換鮮食，我哋都有大概既定嘅轉換週期，按時間日子加減新舊糧比例。此外，有啲主人習慣餵食狗狗吃人類食物，見到為食狗可憐楚楚嘅樣就一個魚柳包塞埋去，但佢哋可能無諗過，太油太鹹的食物會增加狗狗消化系統、腎臟嘅負擔，當狗狗體內器官感到不適，反而會以嘔吐反應。🤮

3) 誤食異物狗狗誤食可分為「誤吃危險食物」及「吞食異物」。誤吃危險食物，除咗狗狗不能吃的蔬果食物之外，好似雞骨呢啲易碎嘅骨頭都唔建議狗狗啃咬，因為骨頭尖銳處可能刺傷狗狗牙齦或消化道，造成內出血。至於吞食異物，玩具啷啷小配件、拖鞋橡膠、抹布絲線等，都好容易被狗狗誤食落肚，建議主人要觀察家中物品是否遺缺，一旦發現家中的物品被啃食，或在狗狗嘔吐物中發現異物，就要提高警覺，立即求醫

2️⃣消化系統異常

1) 腸胃炎
狗狗可能因為吃到不潔的食物、吃太多、食物過敏、細菌或病毒感染等而演變成腸胃炎，症狀為上吐下瀉，輕微者可透過禁食緩解，嚴重者則需要藥物治療。

2) 腸阻塞
嘔吐物通常是在消化過程中的食物夾雜胃酸，因此大多會混雜酸味；但若嘔吐物中散發出糞便的味道，可能是食物通過胃進入小腸後，因為某些因素導致倒流而嘔吐，呢種情況下，狗狗患上腸阻塞嘅可能性就很大。

3) 胃潰瘍
胃部潰瘍的狗狗會出現經常性嘔吐，嘔吐物會因胃出血而呈現咖啡色，也會發生發燒、腹痛等症狀。

3️⃣ 其他身體系統異常1) 腹膜炎
常見症狀為突然精神不佳、食慾不振、腹部腫脹、對被碰觸腹部有反射性自衛，此時狗狗身體會呈現弓腰收腹、呼吸急促，時而伴隨嘔吐。

2) 腎病
若狗狗患有慢性腎病，會有水和電解質平衡失調、有機物排除減少，以及腎性荷爾蒙分泌不足等現象；而狗狗會因腎功能喪失，有多尿劇渴嘅症狀；而且因為狗狗身體排毒同排異類物質嘅功能下降，導致尿毒累積，最後都會引起口腔、胃部潰瘍，導致厭食、嘔吐等明顯症狀。😪

3) 肝臟病
涵蓋範圍極廣，只要肝功能效率稍為下降，就已經可以屬於肝臟病。由於幾乎無特異性症狀，罹患肝臟病的症狀和大多數疾病一樣，有食慾不振、倦怠感、腹痛、腹脹、噁心、嘔吐，或依嚴重程度出現腹水、黃疸、發燒、茶色尿等，所以千萬唔好睇小任何病癥。

4) 胰臟炎
高脂肪食物、過度肥胖、自身慢性疾病（如糖尿病等）、肝腎功能異常及藥物等，都可能造成胰臟炎；常見的臨床症狀為持續性嘔吐下瀉、腹痛、發燒等，對於人類而言，呢啲症狀可能好常見，但對於狗狗嚟講就可能關乎生死，建議立即就醫。

4️⃣傳染病

犬瘟熱、犬小病毒、冠狀病毒
常見犬隻傳染病會因病毒感染而引發上吐下瀉等腸胃症狀，針對呢啲病毒暫時未有有效根治嘅藥物治療，建議從小定期施打疫苗，以避免疾病感染。